इस अंक में :

इस अंक में पढ़े : ( आलेख )तनवीर का रंग संसार :महावीर अग्रवाल,( आलेख )सुन्दरलाल द्विजराज नाम हवै : प्रो. अश्विनी केशरवानी, ( आलेख )छत्‍तीसगढ़ी हाना – भांजरा : सूक्ष्‍म भेद- संजीव तिवारी,( आलेख )लील न जाए निशाचरी अवसान : डॉ्. दीपक आचार्य,( कहानी )दिल्‍ली में छत्‍तीसगढ़ : कैलाश बनवासी ,( कहानी )खुले पंजोंवाली चील : बलराम अग्रवाल,( कहानी ) खिड़की : चन्‍द्रमोहन प्रधान,( कहानी ) गोरखधंधा :हरीश कुमार अमित,( व्‍यंग्‍य )फलना जगह के डी.एम: कुंदन कुमार ( व्‍यंग्‍य )हर शाख पे उल्लू बैठा है, अन्जामे - गुलिश्ता क्या होगा ?: रवीन्‍द्र प्रभात, (छत्‍तीसगढ़ी कहानी) गुरुददा : ललितदास मानिकपुरी, लघुकथाएं, कविताएं..... ''

रविवार, 5 मई 2013

आदमी के मूड़ म ..

 गीत

  • आचार्य सरोज द्विवेदी
आदमी के मूड़ ऊपर पैसा सवार होगे रे।
भुलागे धरम - करम जिनगी बजार होगे रे॥
    सुख - दुख अउ दया मया,गली में बेचावत हे।
    पइसा मंदारी होगे, सबला नचावत हे॥
    पइसा के रोग लागे नई बांचय नई बांचय।
    बड़े - बड़े गुनी मन गंवार होगे रे॥
आदमी के मूड़ ऊपर पैसा सवार होगे रे।
    पइसा हे ताकत, अऊ पइसा पहिचान हे॥
    पइसा ईमान हे, पइसा भगवान हे।
    गरीब के लइका ल दुनिया दूसर लगथे॥
    पइसा बिना जिंदगी उधार होगे रे।
आदमी के मूड़ ऊपर पैसा सवार होगे रे॥
    पइसा के खेल म, इही तो कमाल हे।
    जतके भरे हे, ओतका कंगाल हे॥
    ऐती ओती डोलत हे आंय - बांय बोलत हे।
    पइसा के भूत हा सवार होगे रे॥
आदमी के मूड़ ऊपर पैसा सवार होगे रे।
    पइसा गोहरावत हे, पइसा पोगरावत हे॥
    पइसा बर कुकुर असन, पूंछी ला डोलावत हे।
    पइसा पइसा रटथे अऊ पइसा ल भजथे॥
    पइसा के बस मं संसार होगे रे।
आदमी के मूड़ ऊपर पैसा सवार होगे रे।
पता -
ज्योतिष कार्यालय, मेन रोड, तुलसीपुर, राजनांदगांव (छग.)

कोई टिप्पणी नहीं:

एक टिप्पणी भेजें