इस अंक में :

इस अंक में पढ़े : शेषनाथ प्रसाद का आलेख :मुक्तिबोध और उनकी कविताओं का काव्‍यतत्‍व, डॉ. गिरीश काशिद का शोध लेख '' दलित चेतना के कथाकार : विपिन बिहारी, डॉ. गोविंद गुंडप्‍पा शिवशिटृे का शोध लेख '' स्‍त्री होने की व्‍यथा ' गुडि़या - भीतर - गुडि़या ', शोधार्थी आशाराम साहू का शोध लेख '' भारतीय रंगमंच में प्रसाद के नाटकों का योगदान '' हरिभटनागर की कहानी '' बदबू '', गजानन माधव मुक्तिबोध की कहानी '' क्‍लॅड ईथरली '' अंजना वर्मा की कहानी '' यहां - वहां, हर कहीं '' शंकर पुणतांबेकर की कहानी '' चित्र '' धर्मेन्‍द्र निर्मल की छत्‍तीसगढ़ी कहानी '' मंतर '' अटल बिहारी बाजपेयी की गीत '' कवि, आज सुनाओ वह गान रे '' हरिवंश राय बच्‍चन की रचना ,ईश्‍वर कुमार की छत्‍तीसगढ़ी गीत '' मोला सुनता अउ सुमत ले '' मिलना मलरिहा के छत्‍तीसगढ़ी गीत '' छत्‍तीसगढ़ी लदका गे रे '' रोजलीन की कविता '' वह सुबह कब होगी '' संतोष श्रीवास्‍तव ' सम ' की कविता '' दो चिडि़यां ''

शनिवार, 1 जून 2013

धीरज लच्छमी



  • श्रीमती मंदाकिनी श्रीवास्तव
  • अनुवाद - शंकर प्रसाद श्रीवास्तव
दू ठन घर रहिस आजू - बाजू म। अइसे तो दूनो घर म चुलहा बरत रहिस, फेर एक पइत अइसन बिपत परिस के दूनों घर के दसा बने नइ रहिस। कभू चुलहा बरय, कभू नइ बरय। दुनो घर के आदमी मन के मुसीबत कम न रहय। रोजी - रोटी के जुगाड़ म दिन - दिन भर भटक के, थोर बहुत जउन हथेली म आवय, उही म दिन ल काटत रहंय। दूनो घर के गोसाइन मन के परिच्छा के घरी रहिस। जेवन बनाना तो ठीक, फेर पेट भरना का एकरे उपर निरभर रहिथे ?
एक घर के हाल
गोसाइन घर के खाली डिब्बा मन ल देख के घबराय हवय। बस , थोरकिन चाउँर रहय अउ थोरकिन साग। ओकर मन ह खराब होगे। ये का हो गे ओकर घर के सुख ल ? कहाँ तो पेट भर खाना मिलय अउ आज अतके असन खाना ? चार जिनिस ल कइसे पुराही ? एक झन के पेट भरही, त दूसर ह मुँह ल ताकत रहिही। एकर ले त बने हे के चुलहा बारेच न जाय। खीझ के ओ ह दुखी मन ले , नहाये - धोये अउ धियान करे बिगर, अंगना म झारे बहारे बिगर अपन खोली म जा के सुत गे। बड़बड़ात रहिस - कोनो धियान नइ रखंय के घर म डउकिन मन उपर का बीतत होही, कइसन मुसीबत आथे। आज खाली पेट रहिहीं त अकल ह ठिकाना म आही अउ घर म अनाज ह आही। फेर का मन आइस त खीझे रेहे के बाद भी थोरकिन भात ल रांध के रख दइस। संझा बेरा घर के तीनों आदमी मन - ससुर, घरवाला अऊ देवर जब घर लहुटिन, तब घर के हालत ल देख के अड़बड़ दुखी होइन। घर ह अगराइज परे रहय अउ गोसाइन के चेहरा आँसू से भरे रहय। कुछ - कुछ गुस्साय घलो रहिस।
गोसाइन ह उठिस अउ एके टठिया म नून के साथ भात ल उनकर मन के साम्हूँ रख दइस।
- एके टठिया म ? देवर ह पूछिस।
भनभना के गोसाइन ह कहिस - सबो टठिया मन बेचा नइ गे हे का ?
उही भात ल थोर - थोर खा के तीनों झन सुत गइन। न पेट भरिस, न थकान उतरिस, न नींद आइस।
दूसर घर के हाल
ए घर के गोसाइन के उही हाल रहय। थोरकिन चाउँर बाँचे रहय। बस, ओतके जतका म एक झन के पेट भर सकतिस। फेर भी ओ हठमंडिल मन ले काम करत रहिस। अंगना ल झारे - बहारे के बाद नहाइस, छितराय चुंदी ल बांधिस, सिंदूर लगाइस, तुलसी म पानी चढ़ा के भात बनाइस। बस, पउरसे बर ओतकेच रहिस। जब तीनों आदमी घर आइन, तब उन कर आगू हाथ - पाँव धोये बर पानी रखिस अउ सोचे लगिस। फेर औचक उठके तुलसी के एक पत्ता टोर के लाइस। टठिया म गुड़ के एक डल्ला रखिस, ओमा सबो भात ल उलद के ओकर उपर तुलसी पत्ता रखिस। मने मन म भगवान ल अरपन करके अपन ससुर ल बोलिस - बाबूजी, आप मन इही टठिया से थोर - थोर परसाद ले लेवव। अउ तीनों ल पानी के गिलास दे के चले गइस।
भीतर जाय के बाद अपन मन से दुख अउ डर निकारे के उपाय म ओकर आँखी ले आँसू टपके लगिस, फेर ये आँसू अपन करतब्य ल पूरा करे के बाद टपके रहिस। एकर मारे फल तो अच्छा मिलनाच रहिस।
तीनों झन परेम से भात ल बाँट - बाँट के खाइन अउ बिसराम करे बर चले गइन। सुते के पहिली तीनों के मन म आगू बर सोच - बिचार चलत रहिस। गोसाइन बर दया अउ परेम के भाव आवत रहिस जउन ह बिकट हालत म अब तक अपन धीरज ल नइ छोड़ै। घर म सांती अउ परेम के कारन ओ मन ल बने नींद आइस। जब बिहिनिया उठिन, त उन कर मन रोजी - रोटी कमाये बर उछाल रहिस अउ ओमन जुट गइन
बहुत जल्दी  हालत उनकर बस म हो गय। धीरज अउ संतोष के कारन लच्छमीजी उन कर घर म आ गे रहिन।

कोई टिप्पणी नहीं:

एक टिप्पणी भेजें